पनामा कागदपत्र लिक झाल्याप्रकरणी अमंलबजावणी संचालनालय (ED) ने अभिनेत्री ऐश्वर्या रॉय बच्चन ला चौकशीसाठीदिल्ली कार्यालयात हजर राहण्यासाठी समन्स बजावले आहेत. ANI या वृत्तसंस्थेनुसार
परंतु ऐश्वर्या रॉय ने चौकशी करीता हजर राहण्यासाठी मुदतवाढ मागितली आहे.
एजन्सीला परकीय चलन व्यवस्थापन कायदा, 1999 अंतर्गत परदेशात संपत्ती लपवून ठेवल्याच्या आरोपाप्रकरणी 48 वर्षीय ऐश्वर्याचा जबाब नोंदवणे आवश्यक आहे.
एजन्सीच्या सूत्रांनी माहिती दिली की तिला यापूर्वीही समन्स बजावण्यात आले होते परंतु ती हजर राहू शकली नाही आणि तिने किमान दोन वेळा पुढील तारखा मागितल्या. पनामा पेपर्स लीक झालेल्या दस्तऐवजांशी संबंधित आहेत ज्यात जगभरातील अनेक व्यक्ती आणि कॉर्पोरेट संस्थांद्वारे फसवणूक आणि करचुकवेगिरीकडे लक्ष वेधले आहे. 11.5 दशलक्ष कर दस्तऐवजांच्या मोठ्या प्रमाणात लीक झालेल्या 500 भारतीयांच्या यादीत ऐश्वर्या राय बच्चनचे नाव आहे.
"पनामा पेपर्स" प्रकरण हे 2016 मध्ये लाखो दस्तऐवज चोरीला गेले आणि मीडियाला लीक केले गेलेले एक विस्तृत तपास आहे, ज्यामध्ये जगातील श्रीमंत आणि शक्तिशाली व्यक्तींनी कर टाळण्यासाठी ऑफशोअर खाती किंवा शेल कंपन्या स्थापन केल्याचा आरोप आहे.
300 हून अधिक भारतीय पनामा पेपर्सचा भाग असल्याचे सांगण्यात आले. या पेपर लीकमध्ये अमिताभ बच्चन आणि ऐश्वर्या राय यांच्यासह अनेक भारतीय सेलिब्रिटींची नावे आहेत. सर्व लोकांवर कर फसवणुकीचे आरोप होते.
या प्रकरणात नाव समोर आल्यानंतर अमिताभ यांनी भारतीय नियमांनुसारच परदेशात पैसे पाठवले असल्याचे सांगितले होते. पनामा पेपर्समध्ये समोर आलेल्या कंपन्यांशी संबंध असल्याचं वृत्त खोटं असल्याचं बिग बिंनी म्हटलं होतं.