#republicday : राफेल लढाऊ विमानाच्या पहिल्या महिला वैमानिक शिवांगी सिंग यांनी राजपथवर दिली सलामी..

देशातील पहिली महिला राफेल फायटर जेटच्या पायलट शिवांगी सिंग यांनी आज प्रजासत्ताक दिनाच्या परेडमध्ये सहभागही झाल्या होत्या. भारतीय वायुसेनेच्या (IAF) परेडमध्ये सामील होणाऱ्या त्या दुसऱ्या महिला फायटर जेटच्या पायलट आहेत. गेल्या वर्षी, फ्लाइट लेफ्टनंट भावना कांथ, IAF च्या परेडचा भाग असणारी पहिली महिला फायटर जेट पायलट होत्या.

वाराणसीच्या असलेल्या शिवांगी सिंग, 2017 मध्ये IAF मध्ये सामील झाल्या. राफेल उड्डाण करण्यापूर्वी त्या मिग-21 बायसन विमान उडवत होती. पंजाबमधील अंबाला येथील आयएएफच्या गोल्डन एरोज स्क्वॉड्रनचा त्या भाग आहेत.

'भारतीय वायुसेनेचे भविष्यासाठी परिवर्तन' या थीमवर आयएएफचे परेड पार पडले. यामध्ये राफेल फायटर जेट, स्वदेशी विकसित लाइट कॉम्बॅट हेलिकॉप्टर (LCH) आणि 3D पाळत ठेवणारे रडार Aslesha MK-1 यांचे स्केल डाउन मॉडेल फ्लोटचा भाग होते. यांचा समावेश होता.

राफेल लढाऊ विमान -

राफेल लढाऊ विमानांची पहिली तुकडी 29 जुलै रोजी दाखल झाली, भारताने फ्रांसकडून ही विमाने खरेदी करण्यासाठी करार केल्यानंतर सुमारे चार वर्षांनी. 32 राफेल विमाने भारतीय वायुसेनेला देण्यात आली आहेत आणि चार या वर्षी एप्रिलपर्यंत अपेक्षित आहेत. याच राफेल विमानाच्या वैमानिक म्हणून देशातील पहिल्या महिला शिवांगी सिंग या आज 73 व्या प्रजासत्ताक दिनाच्या परेडमध्ये सहभागही होत्या.