Hair Care Tips : केस झालेत निस्तेज? ट्राय करा घरगुती फंडे, मिळवा मऊ आणि चमकदार केस

आजच्या धकाधकीच्या जीवनशैलीत प्रदूषण, स्ट्रेस आणि चुकीच्या उत्पादनांच्या वापरामुळे केस कोरडे, निस्तेज आणि निर्जीव होतात. पण यावर लाखो रुपये खर्च करण्याची गरज नाही. आपल्या स्वयंपाकघरातच अशी अनेक नैसर्गिक घटक आहेत, जे तुमचे केस पुन्हा मऊ, रेशमी आणि चमकदार करू शकतात. खाली दिलेले घरगुती उपाय वापरून तुम्ही केसांचे सौंदर्य परत मिळवू शकता तेही केमिकल्सपासून दूर राहून.

खोबरेल तेल आणि कढीपत्ता

थोडेसे खोबरेल तेल गरम करून त्यात १०-१२ कढीपत्त्याची पाने घालून फोडणीसारखी उकळून घ्या. थंड झाल्यावर केसांना लावून ३० मिनिटांनी शांपू करा. कढीपत्ता केसांना पोषण देतो आणि चमक वाढवतो, तर खोबरेल तेल मुळांपासून केस मजबूत करते.

अंड्याचा मास्क

एका अंड्याचा पांढरा भाग वेगळा करून त्यात थोडं लिंबू रस आणि मध मिसळा. हे मिश्रण केसांना लावून २० मिनिटांनी धुवा. प्रोटीनने भरलेलं अंडं केसांना मऊ आणि चमकदार बनवतं.

केळी आणि दही यांचा हेअर मास्क

पिकलेली एक केळी आणि दोन चमचे दही एकत्र करून पेस्ट तयार करा. ही पेस्ट केसांना लावा आणि अर्धा तास ठेवा. केळी केसांना नैसर्गिक मॉइश्चर देते, तर दही स्काल्प स्वच्छ ठेवते.

मेथी दाण्याचं मिश्रण

रात्री मेथी भिजवून दुसऱ्या दिवशी पेस्ट करून केसांना लावा. ३० मिनिटांनी साध्या पाण्याने धुवा.

मेथी केस गळती थांबवते आणि त्यांना मऊ करते.

हिबिस्कस (जास्वंद) फूल आणि पाने

हिबिस्कसची फुलं आणि पाने वाटून पेस्ट तयार करा. ही पेस्ट केसांना लावून २० मिनिटांनी धुवा.ही पेस्ट केसांची चमक वाढवते आणि केसांना नैसर्गिक कंडिशनिंग करते.

ऍलोवेरा जेल

ताज्या ऍलोवेराच्या पानातून जेल काढा आणि थेट स्काल्पवर आणि केसांवर लावा. ३० मिनिटांनी धुवा. ऍलोवेरा स्काल्पला थंडावा देते, केसांना मऊ बनवतं आणि नैसर्गिक चमक देतं.

कोणताही उपाय करताना नियमितपणा अत्यंत गरजेचा आहे. एकदा केल्याने चमत्कार घडणार नाही, पण सातत्याने हे घरगुती उपाय केल्यास तुमचे केस पुन्हा एकदा मऊ, रेशमी आणि चमकदार दिसतील.