देशभरात करोना विषाणूचा फैलाव मोठ्या प्रमाणात होत आहे. राज्यात दिवसेंदिवस रुग्णसंख्या वाढत आहे. भाजप नेत्या पंकजा मुंडे यांना करोनाची लागण झाली आहे. ही माहिती खुद्द पंकजा मुंडे यांनी ट्वीटरच्या माध्यमातून दिली आहे.
काय म्हटलंय ट्वीटमध्ये? 'माझा करोना चाचणीचा अहवाल पॉझिटिव्ह आला आहे. मी आधीच सावधगिरी बाळगून विलगीकरणात होते. गेल्या काही दिवसांपासून करोनामुळं मृत्यू झालेल्या कुटुंबियांच्या भेटीगाठी घेतल्या होत्या. त्यात वेळी कदाचित मला करोनाचा प्रादुर्भाव झाला असण्याची शक्यता आहे. त्यामुळं या काळात जे कोणी माझ्या संपर्कात जे आले आहेत त्यांनी स्वतःची करोना चाचणी करुन घ्यावी,' असं ट्वीट पंकजा मुंडे यांनी केलं आहे.