OnePlus ने आपल्या पहिल्या टॅबलेट 'OnePlus Pad' ची किंमत जाहीर केली आहे. कंपनीने हे नवीन प्रॉडक्ट या वर्षी फेब्रुवारीमध्ये क्लाउड 11 इव्हेंटमध्ये लॉन्च केले होते, परंतु त्यावेळी किंमतीबद्दल माहिती देण्यात आली नव्हती. आज OnePlus ने अधिकृत वेबसाइटद्वारे OnePlus पॅडची किंमत जाहीर केली आहे.
OnePlus पॅड भारतात दोन प्रकारात उपलब्ध असेल. कंपनीने 8GB RAM + 128GB स्टोरेज वेरिएंटसह OnePlus पॅडची किंमत 37,999 रुपये ठेवली आहे. तर 12GB रॅम + 256GB स्टोरेज वेरिएंट असलेला हा टॅबलेट 39,999 रुपयांना उपलब्ध असेल.
OnePlus पॅड: उपलब्धता आणि ऑफर..
OnePlus पॅड 28 एप्रिलपासून ई-कॉमर्स वेबसाइट Amazon आणि OnePlus च्या अधिकृत वेबसाइटवरून बुक केले जाऊ शकते. ICICI बँकेच्या क्रेडिट कार्डवरून पेमेंट केल्यास तुम्हाला 2 हजार रुपयांची सूट मिळेल. यासह, HDFC, AXIS सह इतर अनेक बँकांच्या क्रेडिट कार्डद्वारे 12 महिन्यांत विनाशुल्क ईएमआय खरेदीचा पर्याय देखील उपलब्ध असेल. प्री-ऑर्डरवर, खरेदीदारांना 1,499 रुपयांचा फोलिओ केस मोफत मिळेल.