विधान परिषदेच्या निवडणुकीत मुख्यमंत्री उद्धव ठाकरे यांच्यासह ९ जणांची बिनविरोध निवड झाल्यानंतर आज मुख्यमंत्री उद्धव ठाकरे यांच्यासह महाविकास आघाडी आणि भाजपच्या सदस्यांना विधान परिषदेच्या सदस्यत्वाची शपथ देण्यात आली.
हे ही वाचा...
- निर्मला सीतारमण यांचं वक्तव्य ऐकुन मला धक्काच बसला- अनिल देशमुख
- राहुल गांधींच्या प्रवासी मजूरांच्या भेटीवर भडकल्या निर्मला सीतारमण
- ‘पृथ्वीराज बाबा काशी विश्वेश्वराच्या मंदिरात कधी जायचे फक्त सांगा.. कोण रोखतंय ते बघूच’
राज्याच्या राजकारणात अनेक नाट्यमय घटनांमुळे चर्चेत राहिलेल्या आणि नुकत्याच झालेल्या विधानपरिषदेच्या निवडणुकीत मुख्यमंत्री उद्धव ठाकरे यांच्यासह माजी उपसभापती नीलम गो-हे, राष्ट्रवादीचे शशिकांत शिंदे, अमोल मिटकरी, काँग्रेसचे राजेश राठोड तर भाजपचे गोपीचंद पडळकर, प्रवीण दटके, रणजितसिंह विजयसिंह मोहिते- पाटील आणि रमेश कराड यांची बिननिरोध निवड झाली आहे.
त्यांच्या बिनविरोध निवडीची घोषणा करण्यात आल्यानंतर या ९ नवनिर्वाचित सदस्यांना विधान परिषद सदस्यत्वाची शपथ देण्यात आली. विधान परिषदेचे सभापती रामराजे नाईक निंबाळकर यांनी मुख्यमंत्र्यांसह या नवनिर्वाचित सदस्यांना शपथ दिली आहे.