WhatsApp घेऊन येतंय भन्नाट फिचर..

तुम्ही लवकरच मेसेजिंग अॅप WhatsApp चे स्टेटस फेसबुक स्टोरीजवर शेअर करू शकाल. WaBetaInfo च्या रिपोर्टनुसार, WhatsApp iOS 23.7.0.75 च्या लेटेस्ट बीटा अपडेटमध्ये या फीचरची चाचणी करत आहे. लवकरच हे फीचर व्हॉट्सअॅप अपडेटद्वारे सर्वांसाठी आणले जाईल.

WaBetaInfo नुसार, या अपडेटनंतर, WhatsApp वापरकर्ते एकाच वेळी दोन्ही अॅप्समध्ये व्हिडिओ, फोटो आणि मजकूर शेअर करू शकतील, जे व्हॉट्सअॅपच्या स्टेटस आणि फेसबुकच्या स्टोरीमध्ये दिसतील.

हे वैशिष्ट्य डीफॉल्टनुसार बंद करता येणार..

iOS 23.7.0.75 अपडेटद्वारे उपलब्ध असलेले हे वैशिष्ट्य ऐच्छिक असेल, जे डीफॉल्टनुसार बंद केले जाईल. कोणताही WhatsApp वापरकर्ता प्राव्हसी सेटिंगमध्ये जाऊन हे वैशिष्ट्य on किंवा off करू शकतो. याचा अर्थ असा की ज्याला एकाच वेळी दोन्ही अॅप्समध्ये स्टेटस अपडेट करायचे असेल त्यांना हा पर्याय on ठेवावा लागेल.