Latest News
Home > Tech > Apple चा मॅक स्टुडिओ M1 अल्ट्रा लॉन्च ; काय असेल किंमत पहा..

Apple चा मॅक स्टुडिओ M1 अल्ट्रा लॉन्च ; काय असेल किंमत पहा..

Apple चा मॅक स्टुडिओ M1 अल्ट्रा लॉन्च ; काय असेल किंमत पहा..
X

Apple ने आपल्या नवीनतम व्हर्च्युअल इव्हेंटमध्ये iPhone SE 2022 व iPad Air (2022) सोबत नवीन उच्च-कार्यक्षमता आलेला मॅक संगणक लॉन्च केला आहे, कंपनीने Mac Studio असे त्यास नाव दिले आहे. नवीन मॅक स्टुडिओ आकाराने कॉम्पॅक्ट आहे, ज्याचा कंपनीचा दावा आहे की मॅक मिनी आणि नवीनतम मॅकबुक प्रो मॉडेलपेक्षा कितीतरी पटीने अधिक शक्तिशाली आहे. Apple ची नवीनतम आणि अतिशय शक्तिशाली M1 अल्ट्रा चिप नवीन मॅक स्टुडिओमध्ये उपलब्ध आहे. याशिवाय, कंपनीने Apple स्टुडिओ डिस्प्ले देखील लॉन्च केला आहे, जो Apple A13 चिपवर काम करतो आणि अनेक प्रगत डिस्प्ले वैशिष्ट्यांसह सुसज्ज आहे.

मॅक स्टुडिओ, ऍपल स्टुडिओ डिस्प्लेची भारतात किंमत

M1 Max चिप, 32GB RAM आणि 512GB SSD सह सुसज्ज असलेल्या Mac स्टुडिओच्या बेस व्हेरिएंटसाठी 1 लाख 89 हजार 900 इतकी आहे. कंपनीने हाय-एंड Mac Studio M1 Ultra SoC ची किंमत 3 लाख 89 हजार 900 रुपये आहे, जी 64GB RAM आणि 1TB SSD सह येते.





दुसरीकडे, Apple स्टुडिओ डिस्प्लेची भारतात किंमत 1 लाख 59 हजार 900 रुपये आहे, नॅनो-टेक्श्चर्ड ग्लास मध्ये सुद्धा मॅक लाँच केला आहे. मॅक स्टुडिओ आणि ऍपल स्टुडिओ डिस्प्ले दोन्ही भारतातील ऍपल ऑनलाइन स्टोअरवर उपलब्ध आहेत.

मॅक स्टुडिओ मॅक प्रो पेक्षा आकाराने लहान आहे आणि मॅक मिनी प्रमाणे डिझाइन केलेले आहे. त्यात USB Type-C किंवा Thunderbolt पोर्ट आणि समोर SDXC कार्ड स्लॉट आहे. डिव्हाइसमध्ये 10Gb इंटरनेट, HDMI, थंडरबोल्ट 4 आणि दोन USB-A पोर्ट, इतर पोर्ट्सचा समावेश आहे. यात 3.5mm हेडफोन जॅक देखील आहे. याशिवाय, मॅक स्टुडिओमध्ये वाय-फाय 6 आणि ब्लूटूथ 5 कनेक्टिव्हिटी पर्याय आहेत.

मॅक स्टुडिओ 32GB RAM ने सुसज्ज आहे आणि 512GB SSD ने सुरू होतो. M1 Ultra SoC मध्ये 20 CPU कोर आणि 64 GPU कोर असतील आणि ते 128GB पर्यंत युनिफाइड रॅम आणि 8TB SSD स्टोरेजला सपोर्ट करू शकतात. 128GB RAM आणि 8TB SSD सह M1 अल्ट्रा चिपसेटच्या टॉप-एंड कॉन्फिगरेशनची भारतात किंमत 7 लाख 89 हजार 900 रुपये आहे.

Updated : 11 March 2022 6:09 AM GMT
Tags:    
Next Story
Share it
Top