#AatmanirbharBharat: मनरेगासाठी अतिरिक्त ४० हजार कोटींची मोठी घोषणा
केंद्र सरकार ने ग्रामीण भागातील रोजगार वाढवण्यासाठी मनरेगा चे बजट वाढवण्याचा निर्णय घेतला आहे. या संदर्भात अर्थमंत्री निर्मला सीतारमण (FM Nirmala Sitharaman) यांनी आज झालेल्या पत्रकार परिषदेत सरकार ने मनरेगा चे बजेट 40 हजार कोटी रुपयांनी वाढवल्याचं सांगितलं.
हे ही वाचा...
- 61 टक्के लोकांना सोने खरेदीचा व्यवहार विश्वासार्ह वाटत नाही
- विषमता आणणारा विकास कामगारांसाठी धोक्याचा- मुक्ता मनोहर
- 'कधी पर्यंत आमदार विकत घेऊन सरकार बनवणार?', विद्या चव्हाणांचा घणाघाती टोला
कोरोना व्हायरस मुळे शहरातील अनेक कामगार ग्रामीण भागात गेले आहेत. त्यांच्या हाताला काम नाही. त्यामुळं त्यांच्या हाताला काम देण्यासाठी सरकार ने मनरेगा अंतर्गत निधी वाढवण्याचा निर्णय घेतला आहे.
अर्थमंत्री निर्मला सीतारामन आज सलग पाचव्या दिवशी पत्रकार परिषद घेत आहेत. पंतप्रधान नरेंद्र मोदी यांनी 20 लाख कोटींच्या पॅकेजची घोषणा केल्यानंतर गेल्या चार दिवसांपासून केंद्रीय अर्थमंत्री निर्मला सीतारामन विविध क्षेत्रांसाठी या पॅकेजमधून घोषणा करत आहेत. या टप्प्यातील अखेरची पत्रकार परिषद त्यांनी आज घेतली.
आतापर्यंत 4 टप्प्यांमध्ये घेतलेल्या पत्रकार परिषदांमध्ये अर्थमंत्र्यांनी कोळसा उत्पादनाच्या खासगीकरणापासून ते मुलभूत सोयी सुविधांसाठी 50 हजार कोटींची तरतूद करण्याची घोषणा केली आहे. त्याआधी लॉकडाऊनमुळे अडचणीत आलेल्या सूक्ष्म, लघू आणि मध्यम उद्योगांसाठी मोठ्या कर्जाची तरतूद करण्यात आली आहे. बांधकाम क्षेत्राला दिलासा देण्यासाठी सरकारने रेरामधील तरतुदी, कर्ज याबाबत सवलती जाहीर केल्या आहेत.
कृषी क्षेत्रासाठीही अर्थमंत्र्यांनी पॅकेजअंतर्गत शेतकऱ्यांना कर्ज देण्यासाठी मोठ्या पॅकेजची घोषणा केली आहे. आज अर्थमंत्री निर्मला सीतारामन मनरेगा, आरोग्य, आजार व कोरोनासंबंधी योजना, उद्योगसुलभता, सार्वजनिक क्षेत्रासाठी धोरण या संदर्भात घोषणा केली आहे.
सरकारने 2 महिन्यांत शाळांसाठी 3 चॅनेल सुरु केले असल्याची माहिती आज निर्मला सीतारमण यांनी दिली आहे. तसंच पुढील काही दिवसात आणखी 12 चॅनेल शाळांसाठी सुरु करणार आहे. शिक्षकांचे LIVE वर्ग चॅनेलवर दाखवले जाणार आहेत. हे चॅनल टाटा स्काय व एअरटेल वरही दाखवले जातील. सरकारने ई-पाठशालांतर्गत 200 नवी पुस्तकं आणली आहेत. अशी माहिती निर्मला सीतारमण यांनी दिली आहे.
