सीता सोरेन यांचा भाजपमध्ये प्रवेश;कोण आहेत सीता सोरेन?

झारखंड मुक्ती मोर्चाच्या जामा मतदारसंघातील आमदार सीता सोरेन यांच्या नावाची चर्चा सर्वत्र आहे. त्यांच्या भाजपा प्रवेशाने झारखंड मुक्ती मोर्चा सोबतच इंडिया आघाडीची डोके दु:खी वाढली आहे. कोण आहेत सीता सोरेन आणि त्यांचा भाजपमध्ये प्रवेश का झाला जाणून घेऊया.

झारखंड मुक्ती मोर्चाच्या जामा मतदारसंघातील आमदार सीता सोरेन यांनी मंगळवारी आपल्या कुटुंबाकडे आणि स्वतःकडे "सतत दुर्लक्ष" केल्याचे कारण देत पक्ष आणि तिच्या सर्व पदांचा राजीनामा दिला. त्यानंतर लगेचच त्यांनी भारतीय जनता पक्षात (भाजप) प्रवेश केला.

सीता सोरेन म्हणतात “झारखंड चळवळीतील अग्रगण्य योद्धा आणि एक महान क्रांतिकारक असलेले माझे दिवंगत पती दुर्गा सोरेन यांच्या निधनानंतर मी आणि माझे कुटुंब सतत दुर्लक्षित झालो आहोत. पक्ष आणि कुटुंबीयांनी आम्हाला एकटे पाडले आहे, जे माझ्यासाठी अत्यंत क्लेशदायक होते. कालांतराने परिस्थिती सुधारेल अशी मला आशा होती, पण दुर्दैवाने तसे झाले नाही,” सीता यांनी लिहिले.

सीता सोरेन कोण आहेत ? सीता सोरेन या जामा मतदारसंघातून तीन वेळा आमदार आहेत, त्यांचा विवाह झारखंड मुक्ती मोर्चाचे संस्थापक शिबू सोरेनचा मोठा मुलगा आणि हेमंत सोरेनचा मोठा भाऊ दुर्गा सोरेनशी झाला होता. दुर्गा यांचे 2009 मध्ये वयाच्या 39 व्या वर्षी निधन झाले. त्यांना राजश्री, जयश्री आणि विजयश्री या तीन मुली होत्या.

त्यांनी त्यांच्या राजीनाम्यात म्हटलं आहे की, श्री शिबू सोरेन यांनी आम्हा सर्वांना एकत्र ठेवण्यासाठी अथक परिश्रम घेतले. पण यांच्या अथक प्रयत्नांनंतरही दुर्दैवाने त्यांचे प्रयत्नही अपयशी ठरले. मला अलीकडेच कळले आहे की माझ्या आणि माझ्या कुटुंबाविरुद्धही खोलवर कट रचला जात आहे,” आपल्या राजीनामा पत्रात सीता सोरेन यांनी आपल्या पतीने मोठ्या समर्पण आणि त्यागाने झारखंड मुक्ती मोर्चासाठी कसे काम केले याचा उल्लेख केला आहे.