'आई, तुला हा जावई म्हणून चालेल का? काय म्हणाली प्राजक्ता माळी

प्राजक्ता माळी, मराठी मनोरंजन क्षेत्रातील एक नाव, ज्याने अभिनय, निवेदन, व्यवसाय आणि साहित्य अशा अनेक क्षेत्रात आपला ठसा उमटवला आहे. नुकतीच एका मुलाखतीत, तिने तिच्या बालपणीच्या क्रशबद्दल खुलासा केला आणि सोशल मीडियावर खळबळ उडवून दिली. काय बोलली प्राजक्ता ज्याने सोशल मिडियावर खळबळ उडाली आहे.

'पटलं तर घ्या' या चॅट शोमध्ये महाराष्ट्राची हास्य जत्राची स्टार निवेदक प्राजक्ता माळीने हजेरी लावली होती यावेळी बोलताना प्राजक्ता म्हणाली, "वैभव तत्ववादी माझा क्रश होता." वैभव, एक प्रसिद्ध मराठी अभिनेता, त्याच्या चॉकलेट बॉय लूक आणि दमदार अभिनयासाठी ओळखला जातो. प्राजक्ता पुढे म्हणाली, "मी 'कॉफी आणि बरंच काही' हे चित्रपट पाहिल्यानंतर त्याच्या प्रेमात पडले आणि अगदी माझ्या आईला विचारले, 'आई, तुला हा जावई म्हणून चालेल का?'"

प्राजक्ता आणि वैभव यांनी एकत्र 'दे धक्का' नावाचा एक चित्रपट केला असून, प्राजक्ता एक यशस्वी उद्योजिका देखील आहे आणि तिची स्वतःची प्रोडक्शन कंपनी आहे. प्राजक्ताने 'माझं घर माझी माणसं' या लोकप्रिय मराठी मालिकेतून अभिनय क्षेत्रात पदार्पण केले होते.

प्राजक्ता आणि वैभव यांच्यातील या क्रशचे पुढे काय झाले हे माहीत नाही. तरीही, चाहत्यांना हा किस्सा खूप आवडला आणि सोशल मीडियावर विविध प्रतिक्रिया उमटल्या. काही जणांनी प्राजक्ताच्या निवडीचे कौतुक केले, तर काही जणांनी वैभव आणि प्राजक्ता यांना एकत्र पाहण्याची इच्छा व्यक्त केली.

प्राजक्ता सध्या तिच्या करिअरमध्ये व्यस्त आहे आणि अनेक नवीन प्रकल्पांवर काम करत आहे. तिच्या चाहत्यांना आशा आहे की लवकरच तिला तिच्या प्रेमातही यश मिळेल.