Latest News
Home > News > इंधनाच्या मागणीत वाढ; मागील तीन वर्षातील मागणीपेक्षा यंदा सर्वाधिक मागणी..

इंधनाच्या मागणीत वाढ; मागील तीन वर्षातील मागणीपेक्षा यंदा सर्वाधिक मागणी..

दिवसेंदिवस पेट्रोलच्या किमती झपाट्याने वाढत आहेत पेट्रोलच्या किमतीने उच्चांक गाठला असला तरीही भारतातील पेट्रोलच्या मागणी मात्र दिवसेंदिवस वाढत आहे. इंधनाची मागणी 18.62 दशलक्ष टनांनी (4.2%) वाढून 19.41 दशलक्ष टन झाली आहे. काय आहेत करणे वाचा..

इंधनाच्या मागणीत वाढ; मागील तीन वर्षातील मागणीपेक्षा यंदा सर्वाधिक मागणी..
X

मार्चमध्ये भारतातील इंधनाची मागणी तीन वर्षांच्या उच्चांकावर पोहोचली. 9 एप्रिलपर्यंत, तेल मंत्रालयाच्या पेट्रोलियम नियोजन आणि विश्लेषण कक्षाच्या डेटावरून असे दिसून आले आहे की इंधनाची मागणी 18.62 दशलक्ष टनांनी (4.2%) वाढून 19.41 दशलक्ष टन झाली आहे, जी मार्च 2019 नंतरची सर्वाधिक आहे.

पेट्रोलची विक्री नेहमीच उच्च राहिली आहे

पेट्रोलच्या विक्रीने आतापर्यंतचा उच्चांक गाठला आहे. आकडेवारीनुसार, मार्च 2021 मध्ये पेट्रोलचा वापर 2.74 दशलक्ष टन होता जो मार्च 2022 मध्ये वाढून 2.91 दशलक्ष टन झाला. डिझेलबद्दल बोलायचे झाले तर मार्च 2021 मध्ये 7.22 दशलक्ष टन डिझेलची विक्री झाली होती, जी मार्च 2022 मध्ये 7.70 दशलक्ष टन झाली.

मागणी वाढल्याने भाव वाढण्याची शक्यता आहे

UBS विश्लेषक जिओव्हानी स्टॅनोवो यांनी एका मध्यम समूहाशी बोलताना सांगितले आहे की, दरवाढीची शक्यता लक्षात घेऊन मार्चमध्ये अनेक देशांनी जास्त इंधन खरेदी केले. आता येत्या काही महिन्यांत अर्थव्यवस्था तेजीत असल्याने तेलाच्या मागणीत आणखी वाढ होण्याची शक्यता आहे.

रशियाकडून स्वस्त कच्च्या तेलाची खरेदी

भारत कच्च्या तेलाच्या 85% पेक्षा जास्त पुरवठ्यासाठी इतर देशांवर अवलंबून आहे. हेच कारण आहे की भारत आता स्वस्त कच्च्या तेलाच्या खरेदीसाठी रशियाकडे वळला आहे, जिथून भारताला मोठ्या सवलतीत तेल मिळत आहे. रॉयटर्सच्या अहवालानुसार, भारतीय रिफायनर्सनी मे लोडिंगसाठी किमान 16 दशलक्ष बॅरल स्वस्त रशियन तेल खरेदी केले आहे.

Updated : 12 April 2022 3:39 AM GMT
Tags:    
Next Story
Share it
Top