कंगनाबेनचे हे भिकार वक्तव्य ऐकून गुजरातमधील सरदार पटेलांचा पुतळाही अश्रू ढाळत असेल - सामानाच्या अग्रलेखातून कंगनावर टीकास्त्र

अभिनेत्री कंगना राणावत त्यांनी एका खासगी कार्यक्रमात बोलताना एक वादग्रस्त विधान केलं त्या म्हणाल्या होत्या 1947 आली भारताला स्वातंत्र्य मिळाले नाही. तर भीक मिळाली देशाला खरे स्वातंत्र्य 2014 साली मिळाले. त्यांच्या या वादग्रस्त वक्तव्यामुळे खरंतर राजकारण चांगलच तापले आहे. सर्वच स्तरातून या वक्तव्याचे तीव्र पडसाद उमटत आहेत. आजच्या सामनाच्या अग्रलेखातून सुद्धा कंगनाच्या या वक्तव्यावर सडकून टीका करण्यात आली आहे.

कंगनाबेन यांना नुकतेच 'पद्मश्री' या सर्वोच्च नागरी सन्मानाने गौरविण्यात आले. यापूर्वी हा सन्मान हिंदुस्थानी स्वातंत्र्यलढ्यात सहभागी झालेल्या वीरांना मिळाला आहे. त्याच वीरांचा अपमान करणारया कंगनाबेनलाही अशा सर्वोच्च नागरी पुरस्काराने सन्मानित करण्यात यावे हे देशाचे दुर्दैव आहे. कंगनाबेन यांनी यापूर्वी महात्मा गांधींचाही अपमान केला. तिचे नथुरामप्रेमही उफाळून येत असते. तिच्या बरळण्याकडे एरव्ही कोणी फारसे लक्ष देत नाही. एक आण्याची भांग घेतली तर भरपूर कल्पना सुचतात असं एकदा टिळक म्हणाले होते. कंगनाबेनच्या बाबतीत टिळकांचं विधान ततोतंत खरे ठरते. 1947 साली स्वातंत्र्य मिळालेच नाही तर भीक मिळाली. पण या भीक मागण्याच्या प्रक्रियेत कंगनाचे सध्याचे राजकीय पूर्वज कोठेच नव्हते. अशी टीका आजच्या सामानाच्या अग्रलेखात केली आहे.

कंगनाबनने तर भगतसिंगांपासून वीर सावरकरांपर्यंत सगळयांवरच अफू-गांजाच्या नशेच्या गुळण्या टाकून त्यांना भिकारी ठरवले आहे. कंगनाबेनचे हे भिकार वक्तव्य ऐकून गुजरातमधील सरदार पटेलांचा जगातला उंच पुतळाही अश्रू ढाळत असेल. कंगनाबेन यांच्या मते देशाला खरे स्वातंत्र्य 2014 साली मिळाले. मोदींचे राज्य हेच स्वातंत्र्य. बाकी सगळे झूठ! या ऐतिहासिक विचारांशी भाजपातले वीर पुरुष सहमत आहेत काय? भाजपातील प्रमुख राष्ट्रवादी अद्यापि गप्प का आहेत? असा सवाल देखील आजच्या सामानाच्या अग्रलेखात उपस्थित केला आहे.