सामाजिक बांधिलकी जपण्याचा घेतला हिने वसा...

लहानपणापासून घरची परिस्थिती बेताची पण त्यावर मात करून उच्च शिक्षण पूर्ण केलं आणि जिल्हा परिषद शाळेवर शिक्षक म्हणून रूजू झाली.पण तिचा खरा संघर्ष लग्नानंतर सुरू झाला.सोनल यांच्या पतीकडून त्यांचा मानसिक आणि शारीरिक छळ होत होता.त्यांचा एकंदरीत संसार उद्धवस्त झाला आणि त्यांचा घटस्फोट झाला.त्यात पोटच्या मुलीला नवऱ्याला द्यायला लागले .स्वत:च्या मुलीला दिल्यावर ती अधिक मानसिक तणावात गेली.एवढी उच्च शिक्षित असून देखील अशी परिस्थिती आल्यामुळे त्यांना मानसिकदृष्ट्या प्रचंड त्रास सहन करावा लागला.

या प्रचंड ताणतणावातून मार्ग काढण्यासाठी तिने एक अनोख स्वप्न पाहिलं.तिच्यातील अंगभूत कलात्मकता आणि दागदागिन्यांची आवड तिला स्वस्थ बसू देईना.त्या स्वप्नाच्या पूर्तीसाठी ती धडपडली आणि ते स्वप्न तिने प्रत्यक्षातही उतरवलं. केवळ दागिने घडवण्यापलीकडे जाऊन सौंदर्यविचार आणि सामाजिक कामाची सांगड घालत सोनल आर्ट कलेक्शन हा ब्रॅण्ड केला.तसेच सोनल आदिवासी मुलांच्या शैक्षणिक विकासासाठी धडपडू लागल्या.या कठीण परिस्थितीमध्ये डिजिटल माध्यमांसोबत मैत्री झाली.डिजिटल माध्यमात रमू लागल्यावर तेथे दिसणारे लहान मुलांच्या विकासासाठीचे विविध प्रयोग आदिवासी मुलांसोबत करू लागल्या.त्याच्या हा नाविन्यपूर्ण उपक्रमामुळे त्यांना गौरविण्यात देखील आले.एवढेच नव्हे तर गेल्या अडीच वर्षांपासून व्हय सावित्रीबाई फुले बोलतेय!यावर एकपात्री प्रयोगाव्दारे समाजप्रबोधनाचे कार्य करत आहेत.