पनवेल महानगरपालिकेच्या महापौरपदी पुन्हा डॉ.कविता चौतमोल
पनवेल महानगरपालिकेच्या महापौरपदी डॉ. कविता चौतमोल आणि उपमहापौरपदी जगदीश गायकवाड निवडून आले आहेत. एकूण ७८ नगरसेवकांची संख्या असलेल्या पनवेल महापालिकेत भाजपचे ५१ नगरसेवक असल्याने वासुदेव बळवंत फडके नाट्यगृहात पार पडलेल्या या निवडणुकीत अपेक्षेप्रमाणे भाजपची सत्ता कायम राहिली आहे.पनवेल महानगरपालिकेच्या महापौरपदी भिमकन्या डॉ. कविता चौतमल तर उपमहापौरपदी जगदिशभाई गायकवाड विराजमान झाले आहेत. भाजप मित्रपक्षासह रिपाइं महानगरपालिकेत सत्तेत असून माजी खासदार रामशेठ ठाकूर व आ. प्रशांत ठाकूर यांनी सत्तेत समान संधी व न्याय दिल्याचे दिसते. यावेळी आ.प्रशांत ठाकूर, आ.महेश बालदी, परेश ठाकूर, सभापती विद्याताई गायकवाड, माजी जी. प अध्यक्ष कविताताई गायकवाड, रिपाइं पनवेल तालुकाध्यक्ष सिद्धांत गायकवाड आदींसह भाजप - रिपाई कार्यकर्ते व पदाधिकारी उपस्थित होते. त्यामुळे आंबेडकरी बहुजन समाजात चैतन्यमय व उत्साहाचे वातावरण निर्माण झाले आहे. रिपाइं कार्यकर्ते व बहुजन समाजाने या दिवशी फटाक्यांच्या आतिषबाजी व पुष्पवृष्टीने मोठा जल्लोष केला.
पनवेल महानगर पालिकेच्या महापौरपदी डॉ.कविता चौतमल तर उपमहापौरपदी जगदिश गायकवाड विराजमान झाल्याने आंबेडकरी बहुजन समाज हर्षला असून निवडीच्या दिवशी पनवेल ते कलंबोली अशी भव्य रॅली काढण्यात आली . या भव्य मिरवणुकीत निळा जनसागर उसळल्याचे पहावयास मिळाले. पनवेल महानगरपालिकेच्या महापौरपदासाठी भाजपने पुन्हा एकदा डॉ. कविता चौतमोल यांना संधी दिल्याने त्यांनी महापौर पदाकरिता आपला अर्ज दाखल होता. तर शेकापकडून प्रिया भोईर यांचा अर्ज दाखल करण्यात आला होता. यावेळी उपमहापौरपदासाठी भाजपा-आरपीआय आघाडीकडून जगदीश गायकवाड यांनी तर शेकाप आघाडीमार्फत सुरेखा मोहोकर यांचा अर्ज दाखल करण्यात आला आहे. पनवेल महापालिकेत भाजपकडे स्पष्ट बहुमत असल्याने अपेक्षितपणे महापौरपदी डॉ. कविता चौतमोल, तर उपमहापौरपदी जगदीश गायकवाड निवडून आले आहेत.
https://youtu.be/EinHj_5_ls0
-धम्माशील सावंत
