सुनेत्रा पवार यांनी कुटुबियांसह बजावला मतदानाचा अधिकार

आज राज्यात विधानसभेच्या 288 जागांसाठी आणि सातारा लोकसभेच्या एका जागेसाठी पोटनिवडणूकीसाठी मतदान होत आहे.

भारतीय जनता पक्ष, शिवसेना, काँग्रेस, राष्ट्रवादी काँग्रेस, महाराष्ट्र नवनिर्माण सेना आणि वंचित बहुजन आघाडी आणि अपक्ष मिळून एकूण मतदारांचा विचार केला तर पुरुष उमेदवार 3 हजार 237 आहे. तर दुसरीकडे 235 महिला उमेदवार निवडणूकीच्या मैदानात आहेत. त्याचबरोबर एक तृतीय पंथी निवडणुकीच्या मैदानात आहेत.

एकूण 8 कोटी 97 लाख 22 हजार 19 मतदारांसाठी राज्यात एकूण 96,661 मतदानकेंद्रं उभारण्यात आली आहेत, तर 1,35,021 VVPAT मशीन देखील बसवण्यात आली आहेत.

आज सकाळीच 7 वाजताच राष्ट्रवादी काँग्रेसचे नेते अजित पवार आणि त्यांच्या पत्नी सुनेत्रा पवार यांनी बारामतीमधल्या काठेवाडीमध्ये या गावामध्ये मतदान केलं. यावेळी सुनेत्रा पवार यांनी माध्यमांशी संवाद साधताना बारामतीकरांची नाळ कायमच पवार कुटुंबाशी जोडली असल्याचं म्हटलं आहे.