"...पण भल्या सकाळी अभ्यासाला बसवणारी आई आता त्यांच्यासोबत नसेल"

सन्मित्र राजेश टोपेंच्या आई आज त्यांना सोडून गेल्या. पण, या योद्ध्याला शोक करण्यासाठीही उसंत नाही.

कोरोनाचं गांभीर्य समजणं आणि त्यासाठी एखाद्या मिशनप्रमाणं लढणं, या संदर्भात देशातल्या दोघांनी मला विलक्षण प्रभावित केलं आहे.

त्यापैकी एक आहेत केरळच्या आरोग्यमंत्री शैलजा. आणि, दुसरे, आपले आरोग्यमंत्री राजेश टोपे.

राजेश टोपे ज्या 'सिन्सिअर' आणि 'सेन्सिबल' पद्धतीने कोरोनाच्या आव्हानावर मात करत आहेत, त्यासाठी शब्द नाहीत.

आज या योदध्यावर दुःखाचा डोंगर कोसळलेला असतानाही, "नियमावलीप्रमाणेच अंत्यसंस्कार होतील", असं त्यांनी स्पष्ट केलं आहे.

या कोसळलेल्या आभाळावर उभं राहात, राजेश नियमितपणे कामाला सुरूवात करतीलच; पण भल्या सकाळी अभ्यासाला बसवणारी आई त्यांच्यासोबत नसेल.

• संजय आवटे