"स्त्रीची डिग्निटी आणि सत्तेचा गैरवापर”

सार्वजनिक जीवनात वावरताना 'नेतृत्वाची नैतिकता' हा सर्वात महत्त्वाचा निकष असतो. जेव्हा एखादी व्यक्ती मुख्यमंत्री किंवा त्यासारख्या मोठ्या पदावर असते, तेव्हा तिचे वागणे हे समाजासाठी एक आदर्श असायला हवे. मात्र, अलीकडच्या काही घटनांमधून समोर आलेले वर्तन हे सत्तेचा माज आणि नैतिकतेचा ऱ्हास दर्शवणारे आहे.

जेव्हा सत्तेत बसलेली एखादी शक्तिशाली व्यक्ती स्त्रीच्या शरीराला किंवा वस्त्राला तिच्या संमतीशिवाय स्पर्श करते, तेव्हा तो स्पष्टपणे 'सत्तेचा गैरवापर' असतो. अशा वेळी समोरची महिला केवळ त्या पदाच्या दबावापोटी तात्काळ प्रतिकार करू शकत नाही. परंतु, पद कोणतेही असो, स्त्रीने तिच्या मर्जीने परिधान केलेल्या वस्त्राला हात लावण्याचा अधिकार कोणालाही नाही.

या संदर्भात इतिहासातील जयललिता यांच्यासोबत संसदेत घडलेली घटना आजही आपल्याला विचार करायला भाग पाडते. सार्वजनिक ठिकाणी स्त्रीच्या सन्मानाची अशी विटंबना होणे हे अत्यंत निंदनीय प्रवृत्तीचे लक्षण आहे.

प्रत्येक स्त्रीला तिची स्वतःची एक 'डिग्निटी' (प्रतिष्ठा) असते आणि ती जपलीच पाहिजे. जर आपण स्वतःला सक्षम म्हणतो, तर अशा प्रवृत्तींना जाब विचारणेही तितकेच महत्त्वाचे आहे. जेव्हा आपण कुस्ती खेळणाऱ्या महिलांच्या बाबतीत अशा घटना ऐकतो, तेव्हा मनात प्रश्न येतो की, एवढी कुस्ती शिकून आणि स्वतःला शक्तिशाली बनवून काय फायदा, जर आपण अशा विकृतीला तिथेच लोळवू शकत नसू? प्रतिकार हा संकटाच्या त्याच क्षणी व्हायला हवा.

स्त्रीचा सन्मान ही कोणत्याही राजकीय तडजोडीची गोष्ट नाही. सत्ता असो वा नसो, प्रत्येक पुरुषाने स्त्रीच्या Personal Spaceचे आणि तिच्या प्रतिष्ठेचे भान राखलेच पाहिजे. नेत्याचे वागणे हे समाजासाठी 'बेंचमार्क' असते; जर तिथेच चुका झाल्या, तर त्याचे गंभीर पडसाद सामान्य स्तरावर उमटतात.

थोडक्यात सांगायचे तर, स्त्रीच्या सन्मानाला धक्का लावणारी व्यक्ती कोणत्याही पदावरची असली, तरी तिची वृत्ती ही निषेधार्हच आहे. सलज्ज लोकांचा जमाना होता,तेव्हा लोक 'काही' घडलेल्या चुका,किंवा अपघातांची जबाबदारी स्विकारून राजीनामा द्यायचे.आता निर्लज्ज् लोकांचा जमाना आलाय्. ज्याप्रमाणे दुर्योधनी वृत्तीला शासन मिळाले, तसेच शासन स्त्रीच्या मर्यादेचा भंग करणाऱ्या प्रत्येक पुरुषाला मिळाले पाहिजे.